हंस झन पगली-फंस जबे देखिस हमर मुखिया,
दिन भर के कामकाज ल निपटाये के बाद बुधवार संझा बेरा अचानक प्रदेश के मुखिया भूपेश बघेल ह अपन संगवारी मन संग छत्तीसगढी़ फिलिम हंस झन पगली-फंस जबे देखे बर पंडरी के सिटी सेंटर माल पहुंच गिस
By News14india.com
SharanjeetTetri
रयपुर। दिन भर के कामकाज ल निपटाये के बाद बुधवार संझा बेरा अचानक प्रदेश के मुखिया भूपेश बघेल ह अपन संगवारी मन संग छत्तीसगढी़ फिलिम हंस झन पगली-फंस जबे देखे बर पंडरी के सिटी सेंटर माल पहुंच गिस। दुआरी में संतोष जैन, सतीश जैन (फिल्म के बनईया) और मनोज वर्मा फूल माला पहिना के ओखर स्वागत करिन। छालीवुड वाले मन अब्बड़ खुश ऐखर सेती हवय कि ओखर मन के छत्तीसगढ़ी फिल्म ल मल्टीप्लेक्स में देखाय बर मुखिया हा सुघ्घर प्रयास करे रिहिस हवेय। मुखिया भूपेश बघेल संग मंत्री मोहम्मद अकबर, कांग्रेस महामंत्री गिरीश देवांगन, कोषाध्यक्ष रामगोपाल अग्रवाल अउ महापौर प्रमोद दुबे घलो फिलिम देखिन। बघेल ह बोलिन कि ओला छत्तीसगढ़ी से अब्बड़ प्रेम हवय अउ अब्बड़ दिन बाद फिलिम देखे बर मिलिस हवे।
